Royal Play على شاشات سامسونج و LG وهايسنس
نزّل برنامج Royal Install على تليفونك الأندرويد، وهو ينزّل Royal Play على شاشتك في دقايق. شاشات هايسنس وVIDAA بتفتحه من المتصفح على طول.
لتليفونات أندرويد 6 وأحدث. لو التليفون طلب إذن «تثبيت التطبيقات من هذا المصدر»، فعّله.
التليفون والشاشة لازم يكونوا على نفس شبكة الواي فاي.
اختار شاشتك
شاشة سامسونج
شاشات سامسونج السمارت من 2017 وأحدث.
- 1
افتح Royal Install على تاب Samsung
البرنامج بيدوّر على شاشتك لوحده. لو ما ظهرتش، دوس «إضافة تلفزيون عبر IP» واكتب IP الشاشة. هتلاقيه في إعدادات التلفزيون، في الشبكة، حالة الشبكة.
- 2
اختار Royal Play ودوس تثبيت
أول مرة بس، البرنامج هيوريك خطوات تفعيل وضع المطوّر، وفيها رقم IP التليفون اللي هتكتبه على الشاشة.
- 3
فعّل وضع المطوّر على الشاشة
دوس زرار الهوم في الريموت وادخل «التطبيقات»، واكتب 1 2 3 4 5 (أو من لوحة الأرقام على الشاشة). خلي Developer Mode على On، واكتب IP التليفون في Host PC IP، ودوس OK.
- 4
اعمل ريستارت للشاشة
اضغط على زرار الباور ضغطة طويلة لحد ما اللوجو يظهر، أو افصلها من الكهربا نص دقيقة. البرنامج هيكتشف إنها جاهزة، فدوس «متابعة التثبيت».
- 5
سجّل دخول بحساب سامسونج (مرة واحدة)
بالإيميل والباسورد، أو اختار Google. ساعتها الصفحة هتفتح في Chrome، وبعد ما تخلّص ارجع لـ Royal Install وهو يكمّل لوحده.
- 6
افتح Royal Play
هيظهر «تم التثبيت». على الشاشة ادخل التطبيقات وافتح Royal Play.
شاشة LG
شاشات LG السمارت بنظام webOS.
- 1
اعمل حساب LG Developer مجاني
من الموبايل أو الكمبيوتر افتح developer.lge.com واعمل حساب بإيميلك.
- 2
نزّل تطبيق Developer Mode على الشاشة
من متجر LG (LG Content Store) دوّر على Developer Mode ونزّله، وسجّل دخول بالحساب.
- 3
فعّل Dev Mode Status و Key Server
فعّل Dev Mode Status ووافق على إعادة التشغيل. بعدها افتح التطبيق تاني وفعّل Key Server. هيظهرلك IP وكلمة سر اسمها Passphrase.
- 4
ثبّت من Royal Install
افتح تاب LG، واكتب الـ IP والـ Passphrase زي ما هما، ودوس «تثبيت Royal Play على الشاشة». Royal Play هيفتح على الشاشة لوحده.
مهم: وضع المطوّر في LG ليه مدة. افتح تطبيق Developer Mode كل كام يوم ودوس EXTEND، عشان Royal Play ما يتشالش من الشاشة.
شاشة هايسنس / VIDAA
شاشات Hisense وأي شاشة بنظام VIDAA. مش محتاجة Royal Install.
- 1
افتح المتصفح على الشاشة
من الشاشة الرئيسية افتح «المتصفح» (Browser).
- 2
اكتب royalplay.tv/tv
في خانة العنوان اكتب royalplay.tv/tv ودوس OK. Royal Play هيفتح ويشتغل بالريموت عادي.
- 3
ضيفها للمفضّلة
ضيف الصفحة للمفضّلة (Bookmark)، عشان تفتحها المرة الجاية بضغطة واحدة. التحديثات بتوصلك لوحدها.
شاشة توشيبا؟
- لو شاشتك أندرويد TV أو جوجل TV (أغلب توشيبا في مصر): نزّل تطبيق Royal Play للأندرويد على طول من صفحة التحميل، أو بتطبيق Downloader بالكود 7988100.
- لو شاشتك بنظام VIDAA: اتبع خطوات هايسنس / VIDAA اللي فوق.
التفعيل
أول ما Royal Play يفتح هيظهرلك عنوان MAC. ابعته للموزّع بتاعك وهو يفعّل الاشتراك.
التحديثات
لما ينزل تحديث، Royal Install هيبعتلك إشعار. افتح تاب شاشتك ودوس تثبيت تاني، والنسخة الجديدة هتنزل فوق القديمة.
أسئلة
Royal Install بيشتغل على الآيفون؟
لا، Royal Install للأندرويد بس. ممكن تستخدم أي تليفون أندرويد في البيت مرة واحدة للتثبيت.
الشاشة مش ظاهرة في البرنامج
اتأكد إن التليفون والشاشة على نفس الواي فاي، أو ضيف الشاشة بالـ IP بتاعها.
ليه مش موجود في متجر سامسونج و LG؟
التطبيق تحت المراجعة في متاجرهم. لما يتنشر، هتقدر تنزّله من المتجر على طول.
